ابراراحمد نے 7 وکٹیں لے کر اہم عالمی ریکارڈ میں سر فہرست !

ابراراحمد نے 7 وکٹیں لے کر عالمی فہرست میں کونسے نمبر پر جگہ بنا لی ؟

تفصیلات کے مطابق انگلینڈ کے خلاف ٹیسٹ میچ میں اس کارنامے کے بعد ابرار احمد نے اپنا نام ٹیسٹ ڈیبیو میچ میں اب تک سب سے زیادہ وکٹیں لینے والے باولرز کی فہرست میں لکھوا لیا ہے تاہم ان میں وہ 22 ویں نمبر پر ہیں ، لیکن کسی بھی کھلاڑی کیلئے ایسا شاندار آغاز کسی بڑے اعزاز سے کم نہیں ہے ۔

ٹیسٹ ڈیبیو میچ میں 7 وکٹیں لینے والے ابرار احمد یہ کارنامہ انجام دینے والے پاکستان کے تیسرے باولر ہیں جبکہ ان سے پہلے سات وکٹیں لینے کا اعزاز محمد زاہد اور محمد نذیر کے پاس ہے ، محمد زاہد نے 28 نومبر 1996 کو راولپنڈی میں نیوزی لینڈ کے خلاف میچ میں 3.3 اوسط سے 20 اوورز میں 66 رنز دیتے ہوئے 7 کھلاڑیوں کو پولین کی راہ دکھائی تھی جس کے باعث وہ ٹیسٹ ڈیبیو میں سب سے زیادہ وکٹیں لینے والے باولرز کی فہرست میں 16 ویں نمبر پر ہیں ان کے بعد دوسرے پاکستانی محمد نذیر ہیں جنہوں نے یہ کارنامہ 24 اکتوبر 1969 کو کراچی کے سٹیڈیم میں نیوزی لینڈ کے خلاف میچ میں 3.28 کی اوسط سے 30.1 اوورز میں 99 رنز دیتے ہوئے 7 وکٹیں حاصل کی تھیں ۔

ابرار احمد ان کے بعد تیسرے پاکستانی باولر ہیں جنہوں نے یہ کارنامہ انجام دیاہے تاہم عالمی فہرست میں وہ 22 ویں نمبر پر ہیں ،انہوں نے 22 اوورز میں 5.18 کی اوسط سے 114 رنز دیتے ہوہئے 7 کھلاڑیوں کو پولین کی راہ دکھائی اور یوں انہوں نے بہترین ٹیسٹ ڈیبیو کرنے والے باولرز کی فہرست میں 22 ویں پوزیشن پر جگہ بنائی ۔

ان کے علاوہ اس فہرست میں پاکستان کے تین اور کھلاڑی بھی موجود ہیں ، بلال آصف نے 7 اکتوبر 2018 کو دبئی میں آسٹریلیا کے خلاف میچ میں 21.3 اوورز میں 1.67 کی اوسط سے 36 رنز دیتے ہوئے چھ کھلاڑیوں کو پولین کی راہ دکھائی تھی جس کے باعث وہ ڈیبیو ٹیسٹ میچ میں سب سے زیادہ وکٹیں لینے والوں کی فہرست میں 27 ویں پوزیشن پر ہیں ۔

Leave a Comment